Á undanförnum vikum hafa verið haldnir fundir, þar sem kjörnir fulltrúar og stjórnendur sveitarfélaga hafa fengið kynningu á nýju fyrirkomulagi á opinberum húsnæðisstuðningi, með sérstakri áherslu á stofnframlög ríkis og sveitarfélaga. Íbúðalánasjóður hefur staðið fyrir þessum fundum í samstarfi við Samband íslenskra sveitarfélaga og hafa þeir víðast verið vel sóttir og tækifæri gefist til þess að fá svör við ýmsum spurningum sem upp hafa komið við innleiðingu á framtíðarskipan húsnæðismála.
Fundir hafa verið haldnir með sveitarstjórnarfólki í Reykjavíkurborg, Kópavogi, á Suðurnesjum, Akueyri, Selfossi, Seyðisfirði, í Borgarnesi, á Sauðárkróki, Siglufirði, í Mosfellsbæ og með borgarráði Reykjavíkurborgar.
Í morgun var haldinn síðasti kynningarfundurinn hjá Sambandi íslenskra sveitarfélaga.
Fundinum var streymt í beinni útsendingu og upptaka af fundinum hefur verið gerð aðgengileg á vef Sambands íslenskra sveitarfélaga.
Dagskrá fundarins:
- Hrafnhildur Sif Hrafnsdóttir, fræðslustjóri Íbúðalánasjóðs fer yfir framkvæmd laganna og Leiguheimili
- Ágúst Kr. Björnsson, forstöðumaður fullnustueigna Íbúðalánasjóðs fer yfir umsóknir um stofnframlög og umsóknarmat
- Tryggvi Þórhallsson, lögfræðingur sambandsins fer yfir innleiðingu stofnframlaga og áhrif á sveitarfélögin