Þegar hefur verið úthlutað stofnframlögum til byggingar á 509 Leiguheimilum sem munu rísa fjórtán sveitarfélögum. Þau eru Akranes, Akureyri, Árborg, Hafnarfjörður, Mosfellsbær, Kópavogur, Mýrdalshreppur, Reykjanesbær, Reykjavík, Sandgerði, Sveitarfélagið Hornafjörður, Sveitarfélagið Skagafjörður, Vestmannaeyjabær og Ísafjarðarbær.
451 íbúð munu rísa á höfuðborgarsvæðinu og 58 íbúðir munu rísa á landsbyggðinni
Af þeim íbúðum sem hafa fengið samþykkt stofnframlög eru 227 íbúðir ætlaðar einstaklingum og fjölskyldum undir tekju- og eignamörkum, 112 íbúðir ætluðum námsmönnum og 114 íbúðir eru ætlaðar skjólstæðingum sveitarfélaga, 19 eru ætlaðar öryrkjum og 37 eru sérstök búsetuúrræði fyrir fatlaða.
Leiguheimilin, sem byggja á nýlegu lagafrumvarpi félags- og húsnæðismálaráðherra, verða langtíma valkostur fyrir almenning á leigumarkaði þar sem leigugreiðslur verða lægri en á almennum markaði. Til að sækja um slíkar íbúðir mega mánaðarlegar tekjur heimilisins ekki vera yfir ákveðnum mörkum. Tekjumörkin fyrir einstakling með tvö börn eru núna 593.583 kr., fyrir hjón eða sambúðarfólk með tvö börn 751.917 kr. og fyrir hjón eða sambúðarfólk með fjögur börn 949.750 kr. Ný tekjumörk verða gefin út árlega.
Í flestum tilfellum þarf að reisa Leiguheimilin frá grunni enda er víða lítið framboð af hagkvæmu húsnæði og ein af kröfunum fyrir úthlutun stofnframlags er að húsnæðið sé byggt á hagkvæman og hugvitsamlegan hátt.
Þörf fyrir leiguhúsnæði
Hagdeild Íbúðalánasjóðs áætlar að þörf fyrir nýtt leiguhúsnæði sé umtalsverð. Áherslan á nýbyggingar er mikilvæg í ljósi hækkandi fasteigna- og leiguverðs og mun hún hafa dempandi áhrif á markaðinn. Kaup á markaði í núverandi markaðsaðstæðum eru líkleg til að auka þenslu og hækka fasteigna- og leiguverð.
Ríksstjórn hefur samþykkt aukningu stofnframlaga
Ríkisstjórnin samþykkti á árinu að veita hækkað framlag til stofnframlaga á árinu 2016 eða 2,7 milljarða til að mæta mikilli þörf fyrir leiguhúsnæði og áætlað er að leggja 1,5 milljarð í verkefnið næstu fjögur ár. Í nýjum húsnæðissáttmála ríkisstjórnarinnar og sveitarfélaga sem kynntur var 2. júní s.l. var þessi fjárhæð aukin enn frekar með 1,5 milljarða aukningu stofnframlaga árlega á árunum 2016-2022. Auk þess var ákveðið að fjármagna aukinn fjölda námsmannaíbúða með lánsfjármagni frá Íbúðalánasjóði sem þýðir aukið rými fyrir aðra hópa í gegnum stofnframlög til uppbyggingar Leiguheimila.
Íbúðalánasjóður áætlar að stofnframlög muni mæta mikilli þörf fyrir leiguíbúðir á markaði og stuðla að auknum stöðugleika til lengri tíma. Samhliða þessu verkefni er stofnuð ný hagdeild hjá Íbúðalánasjóði. Með þessu verkefni og auknum rannsóknum á húsnæðismarkaði er lagður grundvöllur að hagkvæmum Leiguheimilum fyrir stóran hluta almennings og jafnvægi á íslenskum fasteignamarkaði.
451 íbúð munu rísa á höfuðborgarsvæðinu og 58 íbúðir munu rísa á landsbyggðinni
Af þeim íbúðum sem hafa fengið samþykkt stofnframlög eru 227 íbúðir ætlaðar einstaklingum og fjölskyldum undir tekju- og eignamörkum, 112 íbúðir ætluðum námsmönnum og 114 íbúðir eru ætlaðar skjólstæðingum sveitarfélaga, 19 eru ætlaðar öryrkjum og 37 eru sérstök búsetuúrræði fyrir fatlaða.
Leiguheimilin, sem byggja á nýlegu lagafrumvarpi félags- og húsnæðismálaráðherra, verða langtíma valkostur fyrir almenning á leigumarkaði þar sem leigugreiðslur verða lægri en á almennum markaði. Til að sækja um slíkar íbúðir mega mánaðarlegar tekjur heimilisins ekki vera yfir ákveðnum mörkum. Tekjumörkin fyrir einstakling með tvö börn eru núna 593.583 kr., fyrir hjón eða sambúðarfólk með tvö börn 751.917 kr. og fyrir hjón eða sambúðarfólk með fjögur börn 949.750 kr. Ný tekjumörk verða gefin út árlega.
Í flestum tilfellum þarf að reisa Leiguheimilin frá grunni enda er víða lítið framboð af hagkvæmu húsnæði og ein af kröfunum fyrir úthlutun stofnframlags er að húsnæðið sé byggt á hagkvæman og hugvitsamlegan hátt.
Þörf fyrir leiguhúsnæði
Hagdeild Íbúðalánasjóðs áætlar að þörf fyrir nýtt leiguhúsnæði sé umtalsverð. Áherslan á nýbyggingar er mikilvæg í ljósi hækkandi fasteigna- og leiguverðs og mun hún hafa dempandi áhrif á markaðinn. Kaup á markaði í núverandi markaðsaðstæðum eru líkleg til að auka þenslu og hækka fasteigna- og leiguverð.
Ríksstjórn hefur samþykkt aukningu stofnframlaga
Ríkisstjórnin samþykkti á árinu að veita hækkað framlag til stofnframlaga á árinu 2016 eða 2,7 milljarða til að mæta mikilli þörf fyrir leiguhúsnæði og áætlað er að leggja 1,5 milljarð í verkefnið næstu fjögur ár. Í nýjum húsnæðissáttmála ríkisstjórnarinnar og sveitarfélaga sem kynntur var 2. júní s.l. var þessi fjárhæð aukin enn frekar með 1,5 milljarða aukningu stofnframlaga árlega á árunum 2016-2022. Auk þess var ákveðið að fjármagna aukinn fjölda námsmannaíbúða með lánsfjármagni frá Íbúðalánasjóði sem þýðir aukið rými fyrir aðra hópa í gegnum stofnframlög til uppbyggingar Leiguheimila.
Íbúðalánasjóður áætlar að stofnframlög muni mæta mikilli þörf fyrir leiguíbúðir á markaði og stuðla að auknum stöðugleika til lengri tíma. Samhliða þessu verkefni er stofnuð ný hagdeild hjá Íbúðalánasjóði. Með þessu verkefni og auknum rannsóknum á húsnæðismarkaði er lagður grundvöllur að hagkvæmum Leiguheimilum fyrir stóran hluta almennings og jafnvægi á íslenskum fasteignamarkaði.