Vistheimili og sambýli

Dagvistar- og þjónustumiðstöðvar fyrir aldraða

Heimili, dagvistarstofnanir og þjónustumiðstöðvar fyrir aldraða eiga kost á að sækja um almenn lán með 4,20% vöxtum og allt að 80% lánshlutfall hjá Íbúðalánsjóði til 50 ára.

Við ákvörðun lánsfjárhæðar er tekið tillit til fjármagns frá Framkvæmdasjóði aldraðra og úr ríkisjóði til hlutaðeigandi framkvæmdar þannig að þetta allt samanlagt getur aldrei orðið hærra en sem nemur kaupverði eða heildar byggingakostnaði framkvæmdar. Lán Íbúðalánsjóðs getur þó aldrei orðið hærra en sem nemur 80% af kaupverði eða byggingakostnaði.

Að öðru leiti er vísað til II kafla reglugerðar númer 57/2009 með síðari breytingum.

Sambýli fyrir fatlaða

Íbúðalánsjóði er heimilt að lána félögum, sveitarfélögum og félagasamtökum til byggingar eða kaupa á sambýlum fyrir fatlaða. Heimilt er að veita félagsleg lán með 3,50% verðtryggðum vöxtum til 50 ára.

Lán þessi eru háð því skilyrði að framkvæmdaraðilar hafi fengið starfsleyfi velferðarráðherra fyrir rekstri sambýlis.

Við ákvörðun lánsfjárhæðar er tekið tillit til fjármagns frá Framkvæmdasjóði fatlaðra og úr ríkisjóði til hlutaðeigandi framkvæmdar þannig að þetta allt samanlagt getur aldrei orðið hærra en sem nemur kaupverði eða heildar byggingakostnaði framkvæmdar. Lán Íbúðalánsjóðs getur þó aldrei orðið hærra en sem nemur 90% af kaupverði eignar eða byggingakostnaði.

Að öðru leiti er vísað til III kafla reglugerðar nr. 57/2009 með síðari breytingum.

Lán til vistheimila fyrir börn og unglinga

Íbúðalánsjóði er heimilt að lána félögum og félagasamtökum til byggingar eða kaupa á vistheimilum fyrir börn og unglinga. Heimilt er að veita félagsleg lán með 3,50% verðtryggðum vöxtum til 50 ára.

Lán þessi eru háð því skilyrði að framkvæmdaraðilar hafi fengið leyfi Barnaverndarstofu og staðfestingu Velferðarráðuneytis á samþykktum sínum. Sveitarfélög hafa einnig rétt á lánum til vistheimila samkvæmt reglugerð nr. 57/2009.

Við ákvörðun lánsfjárhæðar er tekið tillit til fjármagns frá opinberum aðilum svo sem ríkisjóði til hlutaðeigandi framkvæmdar þannig að þetta allt samanlagt getur aldrei orðið hærra en sem nemur kaupverði eða heildar byggingakostnaði framkvæmdar. Lán Íbúðalánsjóðs getur þó aldrei orðið hærra en sem nemur 90% af kaupverði eða byggingakostnaði.

Helstu lög og reglugerðir
Lög nr. 44/1998 um húsnæðismál með síðari breytingum

Reglugerð nr. 1042/2013 með síðari breytingum

Reglugerð nr. 57/2009 með síðari breytingum
Gagnaskil
Eftirfarandi gögnum þarf að skila með umsókn um leiguíbúðalán skv. reglugerð nr. 1042/2013:
- Viðskiptaáætlun. Í viðskiptaáætlun skal vera ítarleg lýsing á helstu atriðum sem varða félagið og rekstur þess, framtíðarsýn, stefnu og markmið. Skal áætlunin m.a. fjalla um eftirfalin atriði:
- Áætlun umsækjanda um fyrirhugaðar byggingar eða kaup með hliðsjón af leiguíbúðaþörf á viðkomandi svæði og rökstuðningur fyrir því hvernig þær fyrirætlanir samræmast þörfinni og hvernig umsækjandi hyggst ráðstafa íbúðum.
- Greinargerð umsækjanda um hvernig hann hyggst haga rekstri félagsins þannig að reksturinn uppfylli markmið félagsins, sé með sem hagkvæmustum hætti og hagsmunir íbúa hafðir að leiðarljósi.
- Þriggja ára rekstraráætlun þar sem a.m.k. kemur fram hverjar leigutekjur eru af hverri íbúð, hver fastur og breytilegur kostnaður er og afborganir af lánum. Hér má finna form af rekstraráætlun sem notast má við en í henni eru lágmarksupplýsingar sem koma þarf fram í slíkri áætlun.
- Rökstuðningur fyrir því að fyrir hendi sé markaðsbrestur vegna fjármögnunar á byggingu eða kaupum á viðkomandi svæði.
- Rökstuðningur fyrir því hvernig leiguíbúð er eins hagkvæm og kostur er en uppfylli samt kröfur 16. gr. reglugerðar nr. 1042/2013, þ.m.t. útbúnar nauðsynlegu fylgifé.
- Staðfesting á eigin fé þar sem sýnt er fram á að eiginfjárhlutfall sé að lágmarki 10% að teknu tilliti til lánveitingarinnar.
- Staðfesting á að umsækjandi hafi fjárhagslegt bolmagn til að fjármagna þann hluta kaupverðs sem ekki er lánað til.
- Ársreikningur umsækjanda fyrir næstliðið rekstrarár, áritaður af löggiltum endurskoðanda um endurskoðun.
- Stofngögn félagsins.
- Samþykktir félagsins.
- Vottorð úr fyrirtækjaskrá.
- Yfirlýsing um fjárræði og hreinan brotaferil eigenda má sækja hér.
- Samþykkt kauptilboð/kaupsamningur allra eigna, ef um kaup er að ræða.
- Verksamningur og aðrar viðeigandi upplýsingar um kostnaðarþætti vegna byggingar ef um nýbyggingu er að ræða.
- Nauðsynlegar upplýsingar um fyrirhugaða framkvæmd ef um nýbyggingu er að ræða. Þ.m.t. upplýsingar um framkvæmdatíma og áætlaðan byggingarkostnað, þ.m.t. opinber gjöld t.d. gatnagerðar- og tengigjöld.
Umsókn er ekki tekin til vinnslu fyrr en öllum framangreindum gögnum hefur verið skilað. Íbúðalánasjóður getur jafnframt óskað eftir frekari gögnum ef þörf er talin á því.

Sækja um lán

Var þessi síða gagnleg?

Reiknivélar ÍLS

Vaxtatafla

Húsnæðismarkaðurinn

Vaxtatafla

Dagvistar- og þjónustumiðstöðvar fyrir aldraða

Sambýli fyrir fatlaða

Lán til vistheimila fyrir börn og unglinga

Þjónustuver ÍLS

Rusl-vörn