Íbúðalánasjóður annast framkvæmd laga nr. 75/2016 um húsnæðisbætur og tekur ákvarðanir um rétt til húsnæðisbóta.
Húsnæðisbætur eru mánaðarlegar greiðslur sem eru ætlaðar til að aðstoða þá sem leigja íbúðarhúsnæði, hvort sem er í félagslega kerfinu, námsgörðum eða á hinum almenna leigumarkaði.
Markmið laga um húsnæðisbætur er að lækka húsnæðiskostnað með greiðslu húsnæðisbóta vegna leigu á íbúðarhúsnæði og draga úr aðstöðumun á húsnæðismarkaðnum.
Við útreikning húsnæðisbóta er tekið mið af fjölda heimilismanna óháð aldri, leigufjárhæð, öllum tekjum og nettó eignum, þ.e. eignum að frádregnum skuldum.
Almenn afgreiðsla er í höndum skrifstofu Íbúðalánasjóðs að Ártorgi 1, 550 Sauðárkróki og er opin frá klukkan 09:00 til 15:00 alla virka daga.
Viðskiptavinir geta hringt í síma 569-6900 eða haft samband við ráðgjafa okkar að Borgartúni 21, 105 Reykjavík.
Hér má finna reiknivélar, spurningar og svör og allar nánari upplýsingar tengdar húsnæðisbótum
Var þessi síða gagnleg?
