Styrkir til tækninýjunga
Íbúðalánasjóður veitir árlega fjárstyrki til tækninýjunga eða annarra umbóta í byggingariðnaði í samræmi við ákvæði laga um húsnæðismál og 7. kafla reglugerðar nr. 458/1999 um lánaflokka Íbúðalánasjóðs.
Lán og/eða styrki má veita einstaklingum, fyrirtækjum og stofnunum sem vinna að þróun tæknilegra aðferða og nýjunga sem leitt geta til lækkunar á byggingarkostnaði og viðhaldi íbúðarhúsnæðis, styttingar byggingartíma eða stuðlað með öðrum hætti að aukinni hagkvæmni í byggingariðnaði.
Sá sem óskar eftir láni eða styrk skal skila inn til Íbúðalánasjóðs á sérstöku eyðublaði um verkefni það er vinna skal. Umsóknina skal leggja fyrir stjórn sjóðsins til ákvörðunar með greinargerð og tillögu um afgreiðslu. Árlega er auglýst eftir umsóknum um þessa styrki og rennur umsóknarfrestur að jafnaði út í maímánuði. Stjórn Íbúðalánasjóðs ákveður hvaða verkefni hljóta styrki og styrkirnir eru veittir við hátíðlega athöfn á hverju hausti.
Til baka