- Fyrstu Leiguheimilin fara í byggingu strax að lokinni úthlutun og áætlað er að fyrstu íbúarnir geti flutt inn á næsta ári.
- Í sumum tilfellum getur húsnæðiskostnaður leigjenda, að teknu tilliti til húsnæðisbóta, orðið allt að helmingi lægri en nú er.
Leiguheimilunum er ætlað að slá á þann mikla húsnæðisvanda sem lægri- og millitekjuhópar hafa mátt stríða við. Um er að ræða nýjan valkost sem komið var á með lagafrumvarpi félags- og húsnæðismálaráðherra um almennar íbúðir sem byggði meðal annars á danskri fyrirmynd. Þessi nýja húsnæðislausn felur í sér að félagasamtök, sveitarfélög og lögaðilar sem uppfylla ákveðin skilyrði fá stuðning hins opinbera til að standa að uppbyggingu leiguhúsnæðis. Þar munu íbúar öðlast rétt til öruggrar langtímaleigu en greiðslur verða að meðaltali 20-30% lægri en markaðsleiga er í dag. Í sumum tilfellum getur húsnæðiskostnaður leigjenda, að teknu tilliti til húsnæðisbóta, orðið allt að helmingi lægri en nú er.
Gert er ráð fyrir að fyrstu Leiguheimilin fari í byggingu strax að lokinni úthlutun og að fyrstu íbúarnir geti flutt inn á næsta ári. Til að geta sótt um Leiguheimili þurfa tekjur heimilisfólks að vera undir skilgreindum tekju-og eignamörkum sem eru yfir meðaltekjum nokkurra hópa s.s. ungs fólks, eldri borgara og fleiri hópa. Húsnæðiskostnaður þessara hópa hefur verið mjög hár og mun þessi nýi valkostur, að leigja Leiguheimili, gera þeim kleift að leggja til hliðar fyrir útborgun á íbúð eða einfaldlega verða hagkvæmur langtímavalkostur fyrir þetta fólk á leigumarkaðii.
Stígðu fyrsta skrefið og hjálpaðu okkur að meta þörfina fyrir fleiri Leiguheimili.
Sjá frétt á mbl.is