Ársreikningur fyrir árið 2010

Stjórn Íbúðalánasjóðs hefur staðfest ársreikning sjóðsins fyrir árið 2010. Rekstrarniðurstaðan er mótuð af efnahagsástandi og virðisrýrnun útlána, þar sem aðgerðir stjórnvalda sem eiga að stuðla að lækkun skulda yfirveðsettra heimila hafa umtalsverð áhrif. Niðurstaða rekstrarreiknings var halli sem nemur 34,5 milljörðum króna, en þar af eru 22,8 milljarðar króna kostnaður vegna 110% niðurfærslu lána einstaklinga.

Eigið fé Íbúðalánasjóðs í árslok var 8,6 milljarðar samanborið við rúma 10 milljarða í árslok 2009 og hefur þar verið tekið tillit til 33 milljarða króna eiginfjárframlags ríkissjóðs samkvæmt fjáraukalögum 2010. Nánari umfjöllun.
Til baka