33,4 milljarðar í afskriftir

Íbúðalánasjóður afskrifaði 33,4 milljarða króna á fjórða ársfjórðungi 2010. Þetta er mun meira en áætlanir gerðu ráð fyrir, en ástæðan er aðild sjóðsins að samkomulagi lánveitenda á íbúðalánamarkaði um aðgerðir í þágu yfirveðsettra heimila. Afskriftir Íbúðalánasjóðs vegna þessa samkomulags nema 21,8 milljörðum króna. Alþingi samþykkti í fjáraukalögum heimild til 33 milljarða króna framlags til íbúðalánasjóðs, m.a. vegna fyrirhugaðra afskrifta einstaklinga og til að styrkja eiginfjárhlutfall sjóðsins.
Til baka