Sundlaugin á Hofsósi fær Steinsteypuverðlaunin 2011

Íbúðalánasjóður, ásamt Nýsköpunarmiðstöð Íslands og Mannvirkjastofnun, styrkti Steinsteypuverðlaunin 2011. Verðlaunin voru afhent föstudaginn 18. febrúar sl. á árlegum Steinsteypudegi Steinsteypufélags Íslands. Steinsteypuverðlaunin eru veitt fyrir mannvirki þar sem saman fer frumleg og vönduð notkun á steinsteypu í manngerðu umhverfi og hlaut sundlaugin á Hofsósi verðlaunin í ár. Basalt arkitektar, Va arkitektar og Verkís sáu um hönnun mannvirkisins en framkvæmd var í höndum Sveinbjörns Sigurðssonar hf. Valið var í höndum nefndar sem skipuð var fulltrúum Arkitektafélags Íslands, Verkfræðingafélagsins, Nýsköpunarmiðstöðvar Íslands og Listaháskólans undir forystu Steinsteypufélagsins.

 

 

Til baka