Útlán 1,5 milljarðar í janúar

Heildarútlán Íbúðalánasjóðs námu um 1,5 milljörðum króna í janúar, en þar af voru tæpir 1,4 milljarðar króna vegna almennra lána. Til samanburðar námu almenn útlán í janúar 2010 samtals rúmum 700 milljónum króna. Meðalútlán almennra lána voru um 10 milljónir króna í janúar en um 10,3 milljónir í desember síðastliðnum.

Þann 26. janúar s.l. birti Hagstofa Íslands vísitölu neysluverðs miðað við verðlag í janúar, en þar kom fram að vísitalan hafði lækkað um 0,90% frá fyrra mánuði. Vísitala neysluverðs án húsnæðis lækkaði um 0,97% frá desember. Kostnaður vegna eigin húsnæðis lækkaði um 1,8% milli mánaða sem lækkaði vísitöluna um 0,22%. Ávöxtunarkrafa HFF 14 lækkaði í janúar um 42 punkta og í HFF 24 um 5 punkta. Ávöxtunarkrafa HFF 34 hækkaði hinsvegar um 2 punkta og HFF 44 um 5 punkta.

Heildarvelta íbúðabréfa nam um 49 milljörðum króna í janúar samanborið við um 48 milljarða í desember 2010.

Greiðslur Íbúðalánasjóðs námu rúmum 2,2 milljörðum króna í janúar, en þær voru að mestu vegna greiðslu húsnæðisbréfa. Uppgreiðslur lána Íbúðalánasjóðs í janúar námu um 2,3 milljörðum króna.


Til baka