Lán til viðgerða á félagslegum íbúðum

Sveitarfélög geta fengið lán til meiri háttar utanhússviðgerða á félagslegum íbúðum sem þau hafa innleyst skv. VI. kafla reglugerðar nr. 458/1999 um lánaflokka Íbúðalánasjóðs.

Skilyrði lánveitingar er að sveitarstjórn nýti íbúðina til útleigu.

Lánið kemur til greiðslu þegar Íbúðalánasjóður hefur samþykkt með úttekt sinni að verkið hafi verið unnið á þann veg sem fram kemur í verklýsingu.
Lánstími skal vera allt að 25 ár.

Stofni sveitarstjórn félag um rekstur leiguíbúða sinna er heimilt að leggja slíku félagi til íbúðir í eigu sveitarfélagsins, sem fengið hafa lán samkvæmt VI. kafla reglugerðarinnar, án þess að lánið sé greitt upp. Sveitarfélag ber þó áfram ábyrgð á þeim skuldbindingum sem stofnað var til með lántökunni.

Félag sem sveitarstjórn hefur stofnað skv. 38. gr. laga nr. 44/1998 um húsnæðismál skal með sama hætti og sveitarstjórn eiga kost á láni til meiri háttar utanhússviðgerða á félagslegum íbúðum sem hafa verið innleystar.
Til baka