Lán til byggingaraðila

Byggingaraðilar fá lánað út á allt að  80% af byggingarkostnaði eignar. Þegar eignin er fokheld geta byggingaraðilar lagt fram umsókn um lán, ásamt smíðatryggingu (ef brunabótamat er ekki komið á eignina.)  Hámarkslán Íbúðalánasjóðs er 20 milljónir króna.

Lán út á nýbyggingu eru veitt í allt að fimm ár frá þeim tíma sem eignin telst fokheld, en þó ekki eftir að eitt ár er liðið frá því að eignin var fullbúin og komið á hana endanlegt brunabótamat.

Gerð er krafa um bankaábyrgð viðskiptabanka. Skal ábyrgðin ná til greiðslu lánsins og gilda þar til lánið verður greitt upp eða Íbúðalánasjóður hefur samþykkt nýjan skuldara að láninu við eigendaskipti fasteignarinnar. Falli ábyrgð niður er heimilt að gjaldfella lánið.

Byggingaraðila er heimilt að yfirtaka tímabundið lán frá Íbúðalánasjóði sem hvílir á íbúð sem byggingaraðilinn tekur upp í íbúð sem hann er að selja. Jafnframt getur Íbúðalánasjóður heimilað veðlánaflutning lána Íbúðalánasjóðs yfir á íbúð í eigu byggingaraðila að fullnægðum skilyrðum 32. gr. reglugerðar um ÍLS-veðbréf og íbúðabréf.

Fyrirtæki eða forsvarsmenn fyrirtækis skulu ekki vera í vanskilum við Íbúðalánasjóð. Gatnagerðargjald og önnur opinber gjöld skulu vera að fullu greidd.
Ef ástæða þykir til skal aflað umsagnar fasteignasala um markaðsástand á viðkomandi svæði.

Fylgigögn byggingaraðila með umsókn um íbúðalán vegna nýbyggingar:

• Staðfesting á smíðatryggingu vátryggingafélags
• Bankaábyrgð (Formið er útgefið af sjóðnum til staðfestingar)
• Staðfesting sveitarfélags á greiðslu gatnagerðagjalda og annarra opinberra gjalda.

 

Til baka