Lán til byggingar eða kaupa á vistheimilum fyrir börn og unglinga
Íbúðalánasjóði er heimilt að veita félögum og félagasamtökum, sem fengið hafa leyfi Barnaverndarstofu til að reka heimili eða stofnun, sbr. lög nr. 58/1992, um vernd barna og ungmenna, lán til að byggja eða kaupa vistheimili fyrir börn og unglinga.
Félög og félagasamtök sem kost eiga á lánum samkvæmt þessum kafla skulu hafa hlotið staðfestingu félags- og tryggingamálaráðuneytisins á samþykktum sínum. Um staðfestingu á samþykktum slíkra aðila og starfsemi skal, eftir því sem við getur átt, gæta ákvæða reglugerðar um lánveitingar til leiguíbúða, ráðstöfun þeirra og rekstur.
Sveitarfélög skulu með sama hætti og félög og félagasamtök eiga kost á lánum samkvæmt þessum kafla.
Hleð spilara!
Til baka