Viðmiðunarstærðir og verð
Eftirfarandi regla gildir um byggingarkostnað og kaupverð nýrra og notaðra leiguíbúða. Eitt viðmiðunarverð er fyrir allt húsnæði og notast er við birtar stærðir. "Birt flatarmál" er samanlagt flatarmál botnflatar og s.k. milliflatar séreignarrýma að frádregnu flatarmáli opa og brúttóflatar með salarhæð minni en 1.80 m. Fjárhæðir breytast í takt við byggingarvísitölu.
Byggingarvísitala í maí 2012 er 576, 4 stig
| Fj. herb. | Leiðb. stærð | 100% Viðmiðunarverð | Fermetraverð |
|---|---|---|---|
| 1 herb. | 60m² birt stærð | 19.094.000 | 318.233 |
| 2 herb. | 70m² birt stærð | 21.059.000 | 300.843 |
| 3 herb. | 90m² birt stærð | 24.988.000 | 277.644 |
| 4 herb. | 105m² birt stærð | 27.935.000 | 266.048 |
| 5 herb. | 120m² birt stærð | 30.881.000 | 257.342 |
| 6 herb. | 130m² birt stærð | 32.846.000 | 252.662 |
Þegar einstök íbúðarherbergi eru a.m.k. tvöfalt stærri en sem svarar lágmarksstærð skv. 6.7.3. og 6.7.8 gr. byggingareglugerðar nr. 112/2012, er heimilt að miða við næstu leiðbeinandi íbúðastærð í töflu.
Byggingarkostnaður
Heimilt er að telja sem hluta byggingarkostnaðar, kostnað framkvæmdaaðila við eftirlit, skrifstofuhald, bókhald og almenna verkstjórn, sem nemur eftirfarandi hlutföllum af verksamningi með verðbótum, að viðbættum hönnunarkostnaði.
a) Allt að 2% þegar keypt er fokhelt eða fullbúið húsnæði.
b) Allt að 3% þar sem allt er boðið út og einn aðalverktaki sér um framkvæmdina.
c) Allt að 4% þar sem boðið er út eftir faggreinum þegar er um að ræða verkstjórn að hluta.
d) Allt að 6% þar sem framkvæmdaraðili hefur umsjón með verkefnum undirverktaka, samræmingu milli þeirra og að mestu eða öllu leyti efniskaup.
Gatnagerðargjöld, tengigjöld, kostnaður við veitur og opinber gjöld teljast ekki til byggingarkostnaðar þegar hlutfall skv. liðum (a) og (d) er ákveðið.
Við uppgjör á byggingarkostnaði/kaupverði leiguíbúða er heimilt að taka tillit til fjármagnskostnaðar framkvæmdaraðila á byggingartímanum auk kostnaðar við umsýslu þjónustusviðs lána Íbúðalánasjóðs. Íbúðalánasjóður getur heimilað að farið verði yfir hámark kostnaðarverðs leiguíbúðar, vegna sérstakra aðstæðna, sem krefjast hækkunar á byggingarkostnaði. Frávikið getur þó aldrei orðið meira en 10% frá viðmiðunarverðinu. Þar getur verið um að ræða eftirfarandi:
- Fyrir liggur að lóð varð dýrari en skv. gjaldskrá viðkomandi sveitarfélags.
- Nauðsynlegt reyndist að stofna til sérstaks kostnaðar vegna hljóðvistar, lyftubúnaðar og/eða aðgengis fatlaðra.
Til baka