Spurt og svarað

Innan tveggja mánaða frá útgáfudegi/fyrsta vaxtadegi.

Hægt er að fá lánað allt að 80% af kaupverði.

Verðtryggð lán hækka jafnt og þétt samhliða þeirri vísitölu sem tilgreind er á skuldabréfi. Vísitala hækkar til samræmis við verðlag (verðbólgu) í landinu og misjafnt er hvað lagt er til grundvallar í hverri vísitölu fyrir sig. Þær vísitölur sem eru algengastar á lánum eru Neysluverðsvísitala, Byggingarvísitala og Lánskjaravísitala.

Íbúðalánasjóður býður ekki upp á skuldbreytingar á eldri lánum. Ný lán eru aðeins veitt í tengslum við kaup á húsnæði, nýbyggingar og endurbætur á eldra húsnæði. Öll lán eru með föstum vöxtum út lánstímann.

Með reiknivélinni Yfirtaka lána getur þú reiknað út hvort endurfjármögnun borgar sig miðað við bein kjör lánsins. Athugaðu að fleiri þættir spila inn í mat á því hvort endurfjármögnun er skynsamleg eins og t.d. ákvæði um endurskoðun á kjörum, skilyrði fyrir viðskiptum, uppgreiðslugjald o.fl. Bæta verður við útreikningana gjöldum vegna nýrra lántöku alls 2,5% af lánsupphæð. Mundu að þú getur lengt, stytt eða greitt inn á lán Íbúðalánasjóðs án þess að greiða kostnað eða taka nýtt lán. Íbúðalánasjóður gefur einnig veðleyfi fyrir nýju láni á undan eldri lánum sjóðsins ef nýtt lán, að viðbættum uppreiknuðum eftirstöðvum eldra lánsins, er innan marka reglna um hámarkslán sjóðsins á hverjum tíma.

Íbúðalánasjóður hefur ávallt heimilað skuldbreytingar á lánum sem hvíla á fremri veðrétti. Lántaki getur því breytt eða greitt upp lán sem hvílir á undan láni Íbúðalánasjóðs með nýju láni. Upphæð nýja lánsins má ekki vera hærri en lánið sem greiða á upp (staða á greiðsludegi) nema að til komi framúrhleyping. Nýja lánið, auk eldri lána sjóðsins, geta numið allt að hámarksláni Íbúðalánasjóðs.

Með tilkomu nýs lánaflokks í nóvember 2005 er nú tekin uppgreiðsluþóknun við aukagreiðslur eða uppgreiðslur þeirra lána. Er þetta vegna þess að við lántökuna var valið að hafa lægri vexti á láninu gegn því að greiða sérstaka þóknun ef lánið er greitt upp eða greitt inn á það aukalega. Ef hærri vaxtaprósentan er valin er hægt að greiða upp lánið endurgjaldslaust.

Íbúðalánasjóður gerir ekki kröfu um 1. veðrétt. Ef eldri lán eru yfirtekin á fyrri veðréttum og/eða ný tekin til viðbótar og sett á veðrétt framar Íbúðalánasjóði skerðist upphæð nýja Íbúðalánasjóðslánsins um krónu á móti krónu. Ef t.d. er yfirtekið lán með eftirstöðvar sem nema kr. 1.000.000 á 1. veðrétti getur lán sjóðsins að hámarki orðið 19.000.000 kr. eða sem nemur hámarksláni á hverjum tíma (nú 20.000.000 kr.). Lán Íbúðalánasjóðs þurfa einnig að vera innan við 80% af kaupverði eignar. Oft veita lánastofnanir betri kjör eftir því sem lán hvíla framar á veðréttum og er algengt að fólk taki t.d. lífeyrissjóðslán á 1. veðrétt og ÍLS-veðbréf til viðbótar.

Já, en ekki fram fyrir ÍLS-veðbréf og lán byggingarsjóðs verkamanna,ekki er heimilt að víkja fyrir gjaldeyrislánum og ekki er heimilt að víkja fyrir lánsveði. Miðað er við að nýja lánið sem sett er á undan eldri lánum sjóðsins og eldri lánin geti samtals numið allt að hámarksláni sjóðsins, 20.000.000.

Einfalt er að bera saman bein kjör lánanna (vexti, lánstíma, verðtryggingu, tegund láns, gjald fyrir greiðsluseðla) í reiknivélinni Yfirtaka lána og finna besta lánið eða bestu lánasamsetninguna. Að fleiru er að hyggja varðandi mat á lánunum svo sem þjónustu eftir að lánið er tekið t.d. greiðsluerfiðleikaúrræðum, skilyrði fyrir viðskiptum, uppgreiðslugjaldi, hvort um er að ræða föst kjör eða kjör með endurskoðunarákvæðum, veðhlutfall, hámarkslán o.fl. Hér er ekki hægt að reikna upp á krónu hvort kemur betur út og geta atriði sem koma einum vel komið öðrum illa o.s.frv. Lántakinn þarf því að vega og meta alla þætti sem máli geta skipt.