Yfirtaka

Yfirtaka á eldri lánum Íbúðalánasjóðs er oft hagstæður kostur, einkum ef kjör þeirra eru góð og liðið er á lánstímann. Þá getur verið hagkvæmt að yfirtaka eldri lán og taka nýtt lán til viðbótar.

Hægt er að yfirtaka öll eldri lán Íbúðalánasjóðs nema lán frá Byggingarsjóði verkamanna (merkt 1003). Ekki þarf að greiða lántöku- og stimpilgjöld við yfirtöku.

Ef eingöngu eru yfirtekin lán, en ekki óskað eftir nýju láni, er ekki gerð krafa um að lánin rúmist innan ákveðins veðhlutfalls. Ef verið er að yfirtaka lán og taka nýtt lán jafnframt þá þarf samanlögð lánsfjárhæð að rúmast innan gildandi veðhlutfalls hverju sinni. Með reiknivélinni hér að neðan er hægt að meta hvort þetta er kostur sem borgar sig með því að bera saman mismunandi lán eða lánasamsetningar.

ÍLS-veðbréf Íbúðalánasjóðs og fasteignaveðbréf Húsnæðisstofnunar

Til að fá yfirtöku ÍLS-veðbréfa og fasteignaveðabréfa húsbréfadeildar samþykkta þarf að gera greiðslumat og fylla út umsókn á netinu.

Ef eingöngu eru yfirtekin lán Byggingarsjóðs ríkisins og veðdeildar Landsbanka Íslands þarf ekki að uppfylla skilyrði um greiðslumat. Útfylla þarf sérstaka umsókn. Henni þarf að fylgja afrit af þinglýstum kaupsamningi.

Sækja þarf um yfirtöku

Nauðsynlegt er að sækja um yfirtöku. Ef það er ekki gert hefur sjóðurinn heimild til að gjaldfella lánið og er sú heimild nýtt þegar ástæða þykir til. Lán er hins vegar aldrei gjaldfellt fyrr en nýjum eiganda hefur verið gefinn kostur á að sækja um yfirtöku.

Breytist forsendur eftir að Íbúðalánasjóður hefur samþykkt skuldabréfaskiptin hefur hann líka heimild til að gjaldfella bréfið. Breyttar forsendur geta t.d. verið að sala gangi til baka, kaupandi hafi gefið rangar upplýsingar í greiðslumati (eða til sjóðsins) eða að kaupandi hafi rýrt verulega verðgildi eignarinnar.

Til baka