Lán til íbúðakaupa

• Hámarkslán er 20 milljónir að frádregnum lánum á fyrri veðréttum.
• Lánað er allt að 80% af kaupverði íbúðar. 
• Lánstími er 20, 30 eða 40 ár.
• Vextir eru 4,2% (uppgreiðsla og aukaafborganir gegn uppgreiðsluákvæði) eða 4,7% (uppgreiðsla og aukaafborganir endurgjaldslausar). Hægt er að velja á milli þessara tveggja lánaflokka.
• Verðtrygging miðast við vísitölu neysluverðs. 
• Lántökugjald er 1% af lánsfjárhæð. 
• Stimpilgjald (hjá sýslumanni) er 1,5% af lánsfjárhæð. 
• Gjalddagar eru 4 eða 12 á ári. 
• Greiðslumat og lánsumsókn eru fyllt út rafrænt. 
• Hver og einn getur aðeins átt eina íbúð með láni frá Íbúðalánasjóði nema í sérstökum tilfellum.
• Umsækjandi sem á íbúð fyrir með áhvílandi láni frá Íbúðalánasjóði skuldbindur sig til að selja hana innan 12 mánaða. Annars verður lánið gjaldfellt. 
•  Taka þarf fram í umsókn að íbúðin sé til eigin nota.
•  Lán með eða án uppgreiðsluákvæðis. 

 

Lántakendum gefst kostur á að að greiða lægri vexti gegn því að afsala sér heimild til að breyta lánstíma, en jafnframt getur komið til þess að greiða þurfi uppgreiðslugjald við aukagreiðslur af láninu eða við uppgreiðslu þess. Vaxtamunurinn nemur þeim hluta vaxtaálagsins sem ætlað er að mæta vaxtaáhættu sjóðsins, nú 0,5%. Þóknun fyrir uppgreiðslu er aðeins tekin ef vextir Íbúðalánasjóðs eru lægri en útgefnir vextir þegar greiðslan á sér stað. Þetta á líka við þegar greitt er inn á lánið umfram mánaðarlegar afborganir.
Ekki er gerð krafa um 1. veðrétt

Lán Íbúðalánasjóðs að viðbættum eftirstöðvum lána sem eru framar í veðröð mega ekki nema hærri fjárhæð en 20 milljónum króna, sem er hámarkslán Íbúðalánasjóðs. Dæmi: Ef yfirtekið væri lán á 1. veðrétti með eftirstöðvar 2 milljónir króna og tekið nýtt lán frá annarri lánastofnun á 2. veðrétti að fjárhæð 3 milljónir gæti nýtt Íbúðalánasjóðslán til viðbótar verið 15 milljónir á 3. veðrétti.

Íbúðalánasjóður hefur gert breytingar á auðkenningu við gerð greiðslumats í samstarfi við island.is. Nú þurfa umsækjendur um greiðslumat að skrá sig inn með veflykli ríkisskattstjóra eða með rafrænum skilríkjum á debetkorti.
Við afgreiðslu umsóknar er kallað eftir gögnum, m.a. staðfestu skattframtali sl. árs og launaseðlum síðustu þriggja mánaða, sem og kauptilboði og staðfestingu á eigin fé umsækjanda sem nota á til að fjármagna væntanleg kaup.

Með bráðabirgðamati er hægt að fá vísbendingu um kaupgetu.

Til baka