Hlutakaup

Hlutakaupareglan heimilar kaup á eignarhlut íbúðarseljanda. Kaupin þurfa að hljóða upp á allan þann hlut sem fyrir var í sameign og keyptur er. Hjón og sambúðarfólk fá ekki fyrirgreiðslu vegna kaupa sín á milli á eignarhluta íbúðar nema við hjúskapar- og sambúðarslit.
Íbúðalánasjóður getur heimilað yfirtöku eldri lána við hlutakaup þótt íbúð hafi ekki verið fyrir í sameign. Sótt er um  lán á vef Íbúðalánasjóðs, ils.is, vegna kaupa á húsnæði þegar kauptilboðið hefur verið samþykkt.
Undanfari lánsumsóknar er greiðslumat. Sömu gögnum þarf að skila inn og við hefðbundna lánsumsókn. Þar að auki þarf, ef við á, að skila inn fjárskiptasamningi með staðfestingu sýslumanns um skilnað að borði og sæng eða yfirlýsingu um sambúðarslit staðfesta af sýslumanni.
Vistað greiðslumat er hægt að sækja aftur ef því hefur ekki verið að fullu lokið eða ef gera þarf á því breytingar. Athugið að ef gerðar eru breytingar á staðfestu greiðslumati er það staðfest að nýju og fellur þá eldra matið úr gildi. Þegar lokið er við gerð greiðslumatsins og beiðni um staðfestingu er send inn berst svar samstundis á netfangið sem þar er skráð.
Til baka