Lán
Veitt eru lán til íbúðarkaupa, nýbygginga og endurbóta húsnæðis.
- Hámarkslán er 20 milljónir að frádregnum lánum á fyrri veðréttum.
- Allt að 80% af kaupverði.
- Lánstími er 20, 30 eða 40 ár.
- Hver og einn getur aðeins átt eina íbúð með láni frá Íbúðalánasjóði nema í sérstökum tilfellum.
- Umsækjandi sem á íbúð fyrir með áhvílandi láni frá Íbúðalánasjóði skuldbindur sig til að selja hana innan 12 mánaða. Annars verður lánið gjaldfellt.
- Taka þarf fram í umsókn að íbúðin sé til eigin nota.
Val á milli tveggja almennra lánaflokka
- Lán án heimildar til uppgreiðslu eða aukaafborgana nema gegn sérstakri þóknun, nú á 4,20% vöxtum.
- Lán með heimild til uppgreiðslu og aukaafborgana, nú á 4,70% vöxtum.
Einstaklingum gefst þar með kostur á að að greiða lægri vexti gegn því að afsala sér heimild til að breyta lánstíma, jafnframt getur komið til þess að greiða þurfi uppgreiðslugjald við aukagreiðslur af láninu eða við uppgreiðslu þess. Vaxtamunurinn nemur þeim hluta vaxtaálagsins sem ætlað er að mæta vaxtaáhættu sjóðsins, nú 0,50%. Þóknun fyrir uppgreiðslu er aðeins tekin ef vextir hjá Íbúðalánasjóði eru lægri en útgefnir vextir þegar greiðslan á sér stað. Þetta á líka við þegar greitt er inn á lánið umfram mánaðarlegar afborganir.
Ekki krafa um 1. veðrétt
Lán Íbúðalánasjóðs að viðbættum eftirstöðvum lána sem eru framar í veðröð mega ekki nema hærri upphæð en 20 milljónum króna, sem er hámarkslán Íbúðalánasjóðs. Dæmi: Ef yfirtekið væri lán á 1. veðrétti með eftirstöðvar 2 milljónir króna og tekið nýtt lán frá annarri lánastofnun á 2. veðrétti að fjárhæð 3 milljónir gæti nýtt Íbúðalánasjóðslán til viðbótar verið 15 milljónir á 3. veðrétti.
Íbúðalánasjóður hefur gert breytingar á auðkenningu við gerð greiðslumats í samstarfi við island.is. Nú þurfa umsækjendur um greiðslumat að skrá sig inn með veflykli Ríkisskattstjóra eða með rafrænum skilríkjum á debetkorti.
Við afgreiðslu umsóknar er kallað eftir gögnum, m.a. staðfestu skattframtali sl. árs og launaseðlum vegna 3ja síðustu mánaða, sem og kauptilboði og staðfestingu á eigin fé umsækjanda sem nota á til að fjármagna væntanleg kaup.
Til baka