Vaxtabætur
Ríkissjóður greiðir vaxtabætur til þeirra sem bera vaxtagjöld af lánum sem tekin eru til öflunar íbúðarhúsnæðis til eigin nota, sbr. reglugerð nr. 990/2001 um greiðslu vaxtabóta. Vaxtabætur ákvarðast samkvæmt upplýsingum í skattframtali og til að fá þær þarf að gera sundurliðaða grein fyrir lánum og vaxtagjöldum í framtali. Nánari upplýsingar fást hjá ríkisskattsjóra.Réttur til vaxtabóta stofnast vegna vaxtagjalda af lánum:
- Við kaup á íbúðarhúsnæðis
- Við upphaf byggingar íbúðarhúsnæðis
- Vegna verulegra endurbóta á íbúðarhúsnæði þegar tekið er lán hjá Íbúðalánasjóði
- Vegna greiðsluerfiðleika
- Vegna kaupa á eignarhlut i almennri kaupleiguíbúð
Skilyrði
Réttur til vaxtabóta er bundinn við eignarhald á einni íbúð til eigin nota.
Hann fellur niður þegar íbúðarhúsnæði telst ekki lengur til eigin nota.
Eigi maður fleiri en eina íbúð þá á hann einungis rétt á vaxtabótum með einni þ.e. þeirri sem ætluð er til eigin nota.
Ef
íbúðarhúsnæði er selt án þess að hafin sé bygging eða fest kaup á
íbúðarhúsnæði til eigin nota á sama ári, fellur réttur til vaxtabóta
niður frá þeim tíma sem sala átti sér stað.
Vaxtabótum er skipt til helminga milli hjóna og sambýlisfólks.
Forgangsröð
Frá
vaxtabótum dragast opinber gjöld til ríkis og sveitarfélaga, ofgreiddar
greiðslur úr Fæðingarorlofssjóði og vangreidd meðlög í þeirri röð sem
sýnd er hér að neðan. Gjaldfallnar afborgarnir og vextir af lánum
Íbúðalánsjóðs eru ekki lengur dregnar frá vaxtabótum áður en þær koma
til útborgunar. Þeir sem eru í vanskilum við Íbúðalánasjóð þurfa því að
ráðstafa vaxtabótum sínum sjálfir til að greiða skuld
sína. Vaxtabæturnar renna ekki lengur sjálfkrafa upp í gjaldfallnar
afborganir og vexti af lánum Íbúðalánasjóðs, eins og áður var. Þessi
breyting var gerð 12. desember 2008 með breytingu á reglugerð nr.
990/2001 um greiðslu vaxtabóta.
1. Fyrirframgreiddar vaxtabætur.
2. Ofgreiddar barnabætur.
3. Tekjuskattur.
4. Önnur þinggjöld, sbr. þó 6. tölulið.
5. Útsvar.
6. Tryggingagjald.
7. Vangreidd gjöld maka skv. 1.-5. tölulið.
8. Virðisaukaskattur.
9. Bifreiðagjöld.
10. Þungaskattur.
11. Kílómetragjald.
12. Ofgreiddar greiðslur úr Fæðingarorlofssjóði.
13. Ofgreiddar húsaleigubætur.
14. Vangreidd meðlög eftir kröfu Innheimtustofnunar sveitarfélaga.
Til baka