Sparaðu lántökukostnað

Yfirtaka lána
Engin lántökugjöld - Engin stimpilgjöld
Hægt er að yfirtaka áhvílandi lán Íbúðalánasjóðs og bæta við nýjum lánum ef nægjanlegt veðrými er fyrir hendi. Þegar lán eru yfirtekin þarf ekki að greiða af þeim lántöku- og stimpilgjöld, alls 2,5% af lánsupphæð. Oft er hagstætt að yfirtaka eldri lán einkum ef kjör þess eru góð og liðið er á lánstímann. Öll lán, yfirtekin og ný, þurfa að rúmast innan hámarksláns Íbúðalánasjóðs á hverjum tíma, nú 20 milljónir. Með reiknivélinni Samanburður / Yfirtaka lána er einfalt að bera saman lán og finna bestu lánasamsetninguna. Mögulegt er að taka yfir öll eldri lán nema lánin frá Byggingarsjóði verkamanna (1003).

 
Veðlánaflutningur
Engin lántökugjöld - Engin stimpilgjöld 
Íbúðalánasjóður getur heimilað veðflutning við eigendaskipti á íbúð að uppfylltum skilyrðum. Einstaklingar geta því flutt með sér lán sem hvílir á eign sem verið er að selja yfir á eign sem verið er að kaupa. Ekki þarf að greiða lántöku- eða stimpilgjöld af veðlánaflutningi. Hægt er að fá ný lán hjá Íbúðalánasjóði til viðbótar lánum sem voru flutt upp að 20 milljónum króna.

Til baka