Hagnýtar upplýsingar um ÍLS veðbréf
Gjalddagar
Reglulegir gjalddagar ÍLS-veðbréfa
eru 1. dag mánaðar. Fyrsti gjalddagi ÍLS-veðbréfs er einum til tveimur
mánuðum frá fyrsta vaxtadegi, þ.e. fyrsta dag annars mánaðar frá fyrsta
vaxtadegi. Dragist útgáfa (undirritun) bréfsins getur reynst nauðsynlegt
að breyta fyrsta gjalddaga og skal það þá gert í samráði við
Íbúðalánasjóð. Að lokinni þinglýsingu bréfsins verður því ekki breytt.
Fyrsti vaxtadagur
Fyrsti
vaxtadagur ÍLS-veðbréfs er fimm dögum frá útgáfudegi bréfsins.
Kaupendur hafa því fimm daga til að þinglýsa bréfinu og létta veði af
eigninni ef þarf, án þess að greiða vexti. Andvirði lánsins verður ekki
ráðstafað samkvæmt bréfinu fyrir fyrsta vaxtadag.
Lántökugjald
Lántökugjald
ÍLS-veðbréfs er 1% af fjárhæð bréfsins. Mismuninum er ráðstafað inn á
bankareikning sem tilgreindur skal í ÍLS-veðbréfinu.
Umboð
Í
umboði þarf að koma fram hver veitir það og mikilvægt er að nægilega
skilgreint sé hversu víðtæka heimild það veitir umboðsmanni t.d. "umboð
þetta nær til að undirrita kaupsamning, ÍLS-veðbréf og önnur skjöl
varðandi sölu á fasteigninni Blásandur 3, Reykjavík."
Ef lántaki
eða þinglýstur eigandi eignar er fyrirtæki þarf alltaf að fylgja með
staðfest umboð um heimild til undirritunar fyrir hönd fyrirtækis.
Rithandarsýnishorn umboðsmanns þarf að vera á umboðinu.
Undirritun
f.h. fyrirtækja þarf að vera skv. umboði, sbr. 25. gr. firmalaga. Þar
segir að: "...prókúruhafi megi eigi selja né veðsetja fasteignir
umbjóðanda síns, nema hann hafi til þess beint umboð". Í umboðinu þarf
að felast heimild til að undirrita kauptilboð/kaupsamning, ÍLS-veðbréf
og ráðstöfun andvirðis þess sem og önnur skjöl tengdum kaupunum eftir
atvikum.
Bankar/sparisjóðir (stjórnir þeirra) þurfa að senda
Íbúðalánasjóði upplýsingar (umboð) þar sem tilgreint er hverjir hafa
heimild til ráðstöfunar fasteigna í þeirra eigu, þ.e.a.s. til að
undirrita kauptilboð, samninga og ráðstöfun andvirðis ÍLS-veðbréfa og
önnur skjöl tengdum kaupunum eftir atvikum.
Ef sveitarfélag er
seljandi eignar má bæjarstjóri/sveitarstjóri þess undirrita ÍLS-veðbréf
fyrir hönd sveitarstjórnar sbr. 4. tl. 55. gr. sveitarstjórnarlaga.
Einnig þarf að fylgja staðfesting á samþykkt sveitarstjórnar á sölu
fasteignarinnar þar sem heimild er veitt til sölunnar.
Íbúðalánasjóður kaupir ekki ÍLS-veðbréf ef búið er að gera efnislegar breytingar á veðbréfinu.
Til baka