Samanburður lána / yfirtaka lána

Hér getur þú borið saman lán og lánasamsetningar. Til dæmis er hægt að reikna út hér hvort betra er að taka eitt nýtt lán eða taka nýtt lán ásamt því að yfirtaka eitt eða fleiri lán sem þegar hvíla á íbúðinni. Ath. að lánin eða lánasamsetningarnar sem borin eru saman verða að vera jafnhá svo samanburðurinn verði raunhæfur.

Hér er t.d.hægt að:

• Bera saman tvö lán með mismunandi lánstíma.
• Bera saman tvær lánasamsetningar t.d. samkvæmt söluyfirlitum tveggja íbúða.
• Bera saman nýja lántöku á móti því að yfirtaka lán ásamt því að taka nýtt til viðbótar.

Oft hvíla á íbúðum hagstæð lán með lágum vöxtum sem skynsamlegt getur verið að yfirtaka. Af eldri lánum þarf t.d. ekki að greiða ný lántökugjöld eða stimpilgjöld.

Íbúðalánasjóður hvetur til að valin séu lán og lánstími þannig að vaxtabyrði sé sem minnst án þess að greiðslubyrði verði of þung. Þegar lagt er mat á greiðslubyrði er mikilvægt að skoða ekki eingöngu næstu 12 mánuði því einhver lán gætu verið uppgreidd á undan öðrum. Betra er því að bera saman meðalgreiðslu út allan lánstímann.

Niðurstöður útreikninga eru ekki skuldbindandi fyrir Íbúðalánasjóð. Forsendur útreikninganna byggjast á ákveðnum einföldunum og eru því eingöngu til viðmiðunar.